O Goberno autorizou este venres ao Ministerio de Fomento a contratación de diversas operacións de conservación e explotación de estradas no sector LU-1, na provincia de Lugo, cun valor 13.386.824,28 de euros.
Os contratos de servizos para a execución de operacións de conservación e explotación na Red de Carreteras del Estado teñen
o obxectivo de realizar os traballos de servizos de comunicacións, servizos de vixilancia, atención a accidentes, mantemento dos elementos da estrada, mantemento sistemático das instalacións de subministro de enerxía eléctrica, alumeado,
sinalización variable e semaforización.
Ademais, inclúense as labores de establemento de inventarios e recoñecementos de estado, axenda de información de estado e
funcionamento da estrada, programación, coordinación, seguemento e información da execución dos traballos, actuacións
de apoio á explotación, estudos de accidentalidade e informes de seguridade vial.
Así mesmo, realizaranse os traballos de desbroce, fresados e reposición do firme, limpeza de cunetas, e en xeral, todos os labores de conservación ordinaria das vías ao seu cargo.