O evento empezará ás once e media da mañá con inchables e un obradoiro de globloflexia e maquillaxe ata as 14 horas. De catro a cinco da tarde haberá de novo inchables. Para as 17 horas está programada a actuación dun mago e de 18 a 19:30 terá lugar o espectáculo de animación con música e xogos Garabatos.
Os actos seguirán cunha cabalgata e recepción de Papá Noel e a entrega de agasallos a todos os meniños e meniñas censados en Barreiros e que nos últimos días recibiron unha carta para asistir a este encontro con Papá Noel e despois continuará co sorteo de cestas de Nadal. A festa infantil rematará cunha chocolatada prevista para unhas 600 persoas, xa que nenos e nenas poderán ir acompañados polos seus pais e avós, si así o desexan.
O evento foi presentado polo alcalde, Alfonso Fuente Parga, e polo concelleiro José Manuel Gómez Puente. O rexedor anima “a todas as nenas e os nenos de Barreiros a disfrutar desta festa o vindeiro sábado. Van contar con infinidade de actividades e actuacións para que pasen un día inolvidable”.