29 de decembro de 2013.- A Secretaría de Estado de Administraciones Públicas levou a cabo no último trimestre o estudo “La Voz de los Ciudadanos 2013”. Unha consulta que se repite cada ano para medir o grao de satisfacción dos usuarios cos servizos que prestan as oficinas de información das Delegacións do Goberno, Subdelegacións e Direccións Insulares da Administración General del Estado (AGE), dependentes do Ministerio de Hacienda y Administraciones Públicas, co fin de identificar os problemas que poidan existir e mellorar a prestación dos servizos públicos.
Este ano 2013, o estudo analizou a opinión de 8.695 usuarios das oficinas de información en todo o territorio nacional. Os cidadáns consultados en Galicia foron 399. Unha mostra representativa que valorou, cunha puntuación posible de 0 a 5 puntos, distintos aspectos coma a satisfacción pola atención recibida, a información facilitada, o tempo de espera, o trato persoal, as instalacións ou a accesibilidade.
No caso das oficinas da Delegación do Goberno en Galicia, destacar os principais aspectos valorados en canto á atención do persoal, ña que outorgaron maioritariamente os usuarios a máxima puntuación (4 e 5 puntos):
| Delegación e subdelegacións do Gobierno | Tempo de espera | Tempo de atención | Trato persoal | Información facilitada | Atención recibida respecto á esperada |
| Galicia | 95,0 | 96,8 | 98,5 | 96,2 | 97,7 |
| A Coruña | 98,3 | 77,8 | 98,3 | 95,0 | 95,0 |
| Lugo | 98,6 | 97,3 | 100 | 93,2 | 97,3 |
| Ourense | 66,7 | 98,3 | 96,3 | 96,3 | 96,3 |
| Pontevedra | 96,2 | 98,3 | 98,3 | 97,5 | 98,7 |
Tal e como se mostra na táboa, os cidadáns outorgaron estas cualificacións á rapidez na atención ao usuario, cualificando con 4 e 5 puntos o 95% dos usuarios o tempo de espera. En canto ao trato persoal recibido, o 98,5% dos enquisados deron tamén a súa máxima puntuación, así coma á atención recibida con respecto á que gardaban recibir (valorándola así tamén o 97,7% dos cidadáns). Esas mesmas cualificacións positivas foron as que deron ao tempo que dedicaron a atendelos (96,8%) e á información facilitada (96,2%).
EVOLUCIÓN DO ÍNDICE XERAL DE SATISFACCIÓN
Por outra parte, destaca un repunte na valoración que fan os cidadáns este ano con respecto ao anterior no global dos aspectos analizados do servizo destas oficinas, que facilitan información sobre todos os trámites, sexan estatais, autonómicos ou locais. Neste sentido, o grado de satisfacción xeral increméntase en máis de 14 puntos en 2013 con respecto a 2012. Pasando a máxima cualificación outorgada en Galicia (de 4 e 5 puntos) do 80,6% en 2012 ao 94,9% no 2013.
A actividade que desempeñan as oficinas de información de Administración do Estado en Galicia, por tanto, aparece valorada cun alto grado de satisfacción e representa un claro expoñente dunha Administración Pública Estatal, hoxe máis moderna, eficiente e, sobre todo, orientada ao servizo dos cidadáns.