P-Arte luz é unha instalación artística que reflexiona sobre “un amplo concepto que adoitamos chamar electricidade, enerxía, sol… ao cabo, a luz” a cargo de Ana Kala, Carlos Cornide “Belga” e Lionel Rexes. A súa inauguración terá lugar o sábado 14 de decembro ás 19.30 horas na Casa da Cultura ‘Manuel Lourenzo’ de Ferreira do Valadouro baixo a organización do departamento de Cultura do Concello do Valadouro. A mostra poderá visitarse do 16 de decembro ao 4 de xaneiro.