Un grupo de amigos da parroquia de Alaxe, no Valadouro, en colaboración coa comunidade de relixiosas “Virxe das Dores” (da antiga Escola Fogar de Alaxe) programa un acto cultural para o vindeiro domingo, día 22 de decembro, ás 19 horas. O acto terá lugar no antigo Colexio das Monxas de Alaxe e consistirá na proxección da última película rodada no Instituto Alfoz-Valadouro, a titulada “Pasado e Futuro”, seguida da estrea do novo espectáculo do trío humorístico “Trípode”, titulado “Xuízo anticorrupción”.