Durante o acto, a Deputada salientou “a importancia do monte en man común para a provincia pola superficie e máis polas posibilidades de explotación que representa”. Neste sentido, Regina Polín destacou o apoio decidido do organismo provincial polo medio natural como recurso para Lugo poñendo en práctica medidas e desenvolvendo iniciativas que impulsen o aproveitamento dos montes, creando emprego e fixando poboación no rural.
Na provincia de Lugo hai máis de 900 comunidades veciñais de monte en man común que xestionan 213.0000 hectáreas, o que representa o 315 da superficie da provincia. O vindeiro sábado, 8 de febreiro, reuniranse no Salón de Actos da Deputación os representantes de todas as comunidades de Galicia para debater, entre outros temas, a problemática dos montes consorciados e conveniados. Nesta mesma cita, convocaranse as eleccións para representar as comunidades de montes no xurado provincial de Lugo.