O Espazo Agroecolóxico A Estruga, a través da Asociación “As Angueiras” de Chavín (Viveiro), organizan unhas xornadas sobre alimentación, agroecoloxía e cociña baixo o título AGROECOLOXÍA NA COCIÑA.
As xornadas impartiranse en varios días entre os meses de febreiro e marzo e constan de dúas charlas informativas e dous obradoiros prácticos. As charlas, os días 1 e 8 de febreiro de 16:30h a 19:30h e os obradoiros os días 15 e 22 de marzo de 16:30h a 20:00horas no Centro Sociocultural (antiga escola) de Chavín.
Con estas xornadas preténdese dar a coñecer a riqueza de especies e variedades autóctonas da nosa contorna, coñecer os seus valores nutricionais así como as posibilidades gastronómicas a través de receitas sinxelas e económicas co valor da produción ecolóxica coma referente.
As inscricións irán por rigorosa orde dando prioridade ós membros da asociación. Terán un custe de 10€ por xornada ou un prezo reducido de 30€ para a asistencia ás catro xornadas materiais incluídos. Recóllense inscricións no 664 131 901.