“Lux Coeli”, de Juan López Jiménez, fíxose co primeiro Premio do Concurso de Carteis da Semana Santa de Viveiro.
A súa proposta de deseño gráfico foi premiada con 600 euros; pero tamén será o cartel da Semana Santa de Viveiro deste 2014, o primeiro no que goza do recoñecemento de Interese Turístico Internacional.
O xurado, reunido na Sede da Xunta de Cofradías este martes 21 de xaneiro, outorgou o segundo premio, dotado con 400 euros, á composición fotográfica de Oliver Requeijo baixo o título ‘Pasión de un Pueblo’.
Finalmente, o terceiro premio recae na pintura ‘La Redención de Cristo’ de Manuel Carballeira Rivas. A súa dotación económica é de 200 euros.
A entrega de premios e a presentación do cartel Semana Santa de Viveiro 2014 terá lugar o sábado 8 de febreiro ás 12.00 horas no Mutiusos do Concello de Viveiro.