Ao achegarse a hora da presentación xa se sentía un ambiente distinto, algo misterioso e as miradas recalaban nunha mesa con dez magos ceando, unha comida que serviu para coñecerse persoalmente entre os primeiros socios de AMAM e para ir entrando en materia para a presentación.
Cun pouco de retraso por mor da multitude e o espazo, comezou a presentación da asociación en Burela, en O Traste, onde o presidente de AMAM presentou en palabras de todo o grupo, a nova iniciativa mariñá.
As e os espectadores estaban desexosos de sentir a maxia, e despois de dous minutos de presentación en palabras, chegou a hora para a posta en escena. Comezou o Mago PI, seguido do Mago Jorge, logo o Mago Kiko e finalmente Senín pechou a performance xeral, chea de distintas ilusións que inundaron o local de aplausos.
Dende AMAM dan “un millóns de grazas pola acollida, tanto socialmente coma nos medios de comunicación, e a firme promesa de que non defraudaremos en ningún momento”.
Esta presentación foi un grande éxito e xa estamos pensando en facela en todos os concellos da Mariña para que se coñeza a asociación e disfruten da maxia que os rodea.