Lugo, 29 de xaneiro de 2014.- O presidente de NNXX, Daniel Vega, instou este mércores a Galiza Nova a “poñer os puntos sobre a ies” e rachar co bipartito provincial.
Vega manifestou que de non abandonar o bipartito provincial, os nacionalistas son cómplices das graves artimañas de Besteiro, polo que urxíu a esta formación política a irse e deixar de ser partícipes destas actuacións que está levando a cabo o señor Besteiro na Deputación de Lugo.
Dixo Daniel Vega que Galiza Nova non pode seguir apoiando a falta de transparencia e o sectarismo do Señor Besteiro polo que ten que urxir ao BNG a irse do goberno provincial.
O mozo popular concluíu denunciando a falta de información por parte de Gómez Besteiro, quen na sesión plenaria de onte, non revelou a cantidade económica que destinou a UXT e mostrouse convencido de que a negativa do presidente da Deputación de revelar a información solicitada, débese a que algo está ocultando.