O xogador do Burela Pescados Rubén, Hugo Bernárdez, vai ser operado este luns 20, ás 17.00 horas, no Hospital Polusa de Lugo. O galeno encargado de realizar a operación é o traumatólogo, José Antonio López.
Tras un golpe sufrido durante un adestramento, Hugo ten danado o menisco do xeonllo dereito e o tempo estimado da súa recuperación será valorado trala operación. A Clínica de Fisioterapia L2 de Burela e a fisioterapeuta do club; Lucía Nieto, velarán pola recuperación do xogador laranxa.