O domingo 26 de xaneiro volverase celebrar o Mercado do Souto “un espazo aberto ao comercio local”, como cada segundo e cuarto domingo do mes. Nesta ocasión, celebrarase o mercado de segunda man, polo que os interesados poden achegar os seus produtos ó mercado en horario de 10.00 a 14.00 horas. Ademais, actuarán as cantareiras de Airiños do Xunco e sortearase unha cesta con produtos doados polos postos.