Na entrega estiveron presentes o alcalde de Cervo, Alfonso Villares, a edil de Educación, Pilar Armada, e os representantes das ANPAS beneficiarias. Unhas axudas coas que o Concello pretende apoiar a estas entidades no desenvolvemento de actividades educativas complementarias ou na mellora das instalacións, sempre que estas iniciativas redunden no beneficio de toda a comunidade escolar.
En concreto, entre os gastos subvencionables inclúense os relacionados con actividades educativas, culturais, recreativas ou de mantemento e conservación do centro. “Unha forma de colaborar coas asociacións de pais e nais co obxectivo de contribuír con elas ao bo funcionamento dos centros e a dinamizar a educación” explica Armada.
Cabe lembrar que o Concello vén concedendo estas axudas nos últimos anos. Xunto coas ANPAS, tamén reciben subvencións os colexios, ou as familias, para as que hai habilitadas varias liñas, como son as axudas ao transporte escolar, e á adquisición de libros e material escolar. “En definitiva, buscamos colaborar con todos os colectivos implicados na educación dos cervenses para seguir potenciando un piar básico da nosa sociedade” remata a edil.