A editora noiesa Toxosoutos, vén de sacar do prelo o libro de poemas Refuxio de Verónica Martínez Delgado. Continuando cunha temática de xénero, Verónica Martínez afonda nas consecuencias da violencia, liberándose dos golpes aos poucos, coas feridas abertas aínda supurando, pero coa vontade necesaria para non sucumbir diante do silencio. Con portada de David Pintor e prologado por Alberte Momán, preséntase este volume na colección Numen.