Nunha tarde moi fria con fortes choivas, que fixo dura a tirada, sobretodo para categoría feminina que realizou uns tanteos moi baixos, desenvolveuse a tirada do Centro Social de Monte da Liga de Bolos de Xove.
Liga Sénior Masculina
Excelente tirada do mozo Jose Vigo, que lle permite pasar da 6ª á terceira posición con 67 puntos, relegando ao seu pai Arturo Vigo á cuarta praza. Líder, unha semana máis Alex Meitín con 99 puntos, pero que ve reducida a súa vantaxe con respecto a José Rafael en 3 puntos. 15 puntos separan aos dous primeiros na clasificación, e a falla de 6 tiradas e cun máximo de 78 puntos por disputar, pode pasar de todo.
Está claro que Rafa vai presionar a fondo nas tiradas restantes; pero aínda así, vemos un líder moi sólido e, sobretodo, regular. Para a terceira posición temos un numeroso grupo encabezado por Jose Vigo, seguido de Arturo Vigo e Sócrates Campo con 63 puntos, Francisco Pérz con 63, e xa máis alonxados pero aínda con posibilidades, José Manuel Cociña con 47, Moisés Rodríguez con 42…
Liga Sénior Feminina
Nova victoria (8ª na temporada) de Belén Meitín, que con 65 puntos podémola considerar virtual vencedora desta categoría, non só polos puntos que lle leva á segunda, 28 a Dolores Baño, senón polo xogo que está desplegando cunha superioridade incontestable sobre as restantes participantes.
A falla de 42 puntos máximo por disputar, unha vantaxe de 28 parécenos practicamente imposible de superar. Polo tanto, a pelexa nesta categoría vai estar centrada nos dous postos de honra restantes; para o segundo e terceiro posto temos a Dolores Baño con 37 puntos, Paula Campo con 34 e veterana Salomé Bermúdez con 30. Entre este trío vai estar a pelexa real de aquí ó remate da temporada.
Liga Sub 18
Excelente vitoria de Miguel López, que lle permite pasar da 5ª á 4ª posición, relevando neste posto a Daniel Alonso. A vitoria permítelle tamén a Miguel achegarse a postos de honra, xa que con 34 puntos está a 4 de Isaías (4º con 38), a 8 de Salomé (2º con 42) e a 14 do líder Daniel López que ten 48. Das tres categorías, seguramente é esta a que está máis aberta, e onde a clasificación final presenta unha maior incertidume, dándolle máis emoción ó campionato.
A vindeira tirada vai ter lugar no Campo Municipal de Fútbol de Xove o sábado 25 de xaneiro.
| CAMPIONATO DE BOLOS DE CENTRO SOCIAL DE MONTE (19 XANEIRO 2014) 33 INSCRITOS: 15 NA LIGA SENIOR, 10 NA LIGA SUB 18 E 8 NA LIGA FEMININA | |||
| CLASIFICACION | NOME | TANTOS | PUNTOS |
| LIGA SENIOR | |||
| PRIMEIRO | JOSE VIGO LAGE | 284 | 12 |
| SEGUNDO | JOSÉ RAFAEL GONZÁLEZ BERMÚDEZ | 251 | 10 |
| TERCEIRO | FRANCISCO PÉREZ GONZÁLEZ | 235 | 8 |
| CUARTO | ALEX MEITÍN SERANTES | 218 | 7 |
| QUINTO | SÓCRATES CAMPO SUÁREZ | 208 | 6 |
| SEXTO | MARCELINO RODRÍGUEZ ÁLVAREZ | 208 | 5 |
| SÉTIMO | ARTURO VIGO CASABELLA | 204 | 4 |
| OITAVO | CRISTIAN RODRÍGUEZ BAÑO | 201 | 3 |
| NOVENO | JOSÉ MANUEL COCIÑA RIVERA | 188 | 2 |
| DÉCIMO | ADÁN RODRÍGUEZ ROCA | 184 | 1 |
| MELLOR BOLADA | JOSE VIGO LAGE | 83 | 1 |
| LIGA SUB 18 | |||
| PRMEIRO | MIGUEL LÓPEZ FORMOSO | 169 | 6 |
| SEGUNDO | SALOMÉ CARDOSO RODRÍGUEZ | 156 | 4 |
| TERCEIRO | DANIEL LÓPEZ FERNÁNDEZ | 125 | 3 |
| CUARTO | ISAIAS CARDOSO RODRÍGUEZ | 105 | 2 |
| QUINTO | LAURA IGLESIAS MARIÑO | 85 | 1 |
| MELLOR BOLADA | DANIEL LÓPEZ FERNÁNDEZ | 55 | 1 |
| LIGA FEMININA | |||
| PRMEIRO | BELÉN MEITÍN ROUCO | 89 | 6 |
| SEGUNDO | CONCEPCIÓN PIÑEIRO LÓPEZ | 46 | 4 |
| TERCEIRO | SALOMÉ BERMÚDEZ BEN | 46 | 3 |
| CUARTO | PAULA CAMPO SUÁREZ | 28 | 2 |
| QUINTO | DOLORES BAÑO FRAGA | 21 | 1 |
| MELLOR BOLADA | BELÉN MEITÍN ROUCO | 44 | 1 |