Cinco títulos para as ED Lourenzá Mondoñedo no comarcal de campo a través

As ED Lourenzá-Mondoñedo obtiveron cinco títulos individuais no Campionato Comarcal da Mariña de campo a través escolar: Fernando Vallines, en benxamín masculino; Ainara Rodríguez, en alevín feminino; Alexandre Santiago, en alevín masculino; Lidia Barreira, en infantil feminino e Aarón Rivas, en cadete masculino.

Ademais acumularon outros 10 podios individuais e os campionatos por equipos nas categorías benxamín feminino, benxamín masculino, alevín feminino, alevín masculino e cadete feminino, así coma o subcampionato en infantil feminino. Deste xeito, o comarcal de campo a través deste ano pasa a ser o máis laureado dentro da historia da sección de atletismo das E.D. Lourenzá-Mondoñedo.

Dende a directiva felicitan ós adestradores, delegados, familiares e, como non, a estes increíbles atletas que nos representan todos as fins de semana cuns resultados espectaculares.

Agora, se o tempo llelo permite, prepararán o Campionato Provincial do vindeiro domingo 9 de febreiro.