Burela, 27 de febreiro de 2014. Finalizan este venres os talleres de prevención de drogodependencias no IES O Perdouro, que estivo a impartir a traballadora social de UAD de Burela, segundo informa a concelleira de Servizos Sociais, Diana Durán.
Ditos talleres iniciáronse o 17 de febreiro e fixéronse intervencións con alumnos de 1, 2º, 3º e 4º da ESO. Maite Lanza, a traballadora social explica que “os alumnos responderon de xeito participativo e mostraron moito interese pola información que se lles facilitou dende a Unidade Asistencial de Drogodependencias de Burela”.
Estes obradoiros conclúen este venres, de 13:10 a 14:00 horas na aula de 2º de ESO C. A partires do 10 de marzo desenvolveranse no IES Monte Castelo.