As rapazas do ED Lourenzá Ensino suman tres novos puntos na clasificación do grupo norte da Primeira División Nacional de Baloncesto feminino tras gañar ás Filipenses Caja Duero de Palencia por 71-43.
Lourenzá acolleu este encontro correspondente á décimo quinto xornada da Liga na tarde deste domingo. Pola contra, a vindeira xornada deberán viaxar a León para medirse á Universidad de León – BF León o sábado 15 de febreiro ás sete da tarde.
O conxunto laurentino mantense terceiro con 25 puntos empatado con Sondeos del Norte Maristas. Universidad de Salamanca continúa a liderar a clasificación con tres puntos máis que as súas perseguidoras, 28, ao non coñecer a derrota nesta tempada.