A actividade está enmarcada dentro das organizadas para previr a violencia de xénero que se levan a cabo desde a Secretaría Xeral de Igualdade da Xunta. Segundo explica a educadora familiar do Concello barreirense, Vanesa Fernández, “deste obradoiro destaca o desenvolvemento e difusión de proxectos e materiais didácticos actualizados, dirixidos a todos os niveis educativos, que conteñan pautas de condutas que transmitan valores de respecto e de igualdade, de xeito que se favoreza a prevención de actitudes e situacións violentas”.
