O sábado día 8 de marzo, ás cinco da tarde, a Asociación Cultural “O CAIADO”, organiza un novo acto na Residencia de Anciáns de Foz coa colaboración da Fundación Alcoa. Nesta ocasión, tócalle quenda ó grupo de teatro “A ADALA” de Fazouro, que actuarán para os internos e para todo o público en xeral que desexe ver o acto. “A ADALA” presentarase con un número especial de maxia, e tamén bailarán un tango musicado por Arcadio Mon, fundador e director da Esola de Música de Foz. A Asociación Cultural “O CAIAO”, desexa que tódolos veciños se acheguen á Residencia de Anciáns, neste día de portas abertas para facerlle compañía ós residentes, razón pola cal se fundou esta Asocaición.