A Casa da Cultura acolleu este luns a inauguración da exposición Alma de artesanía, que chega a Burela despois de pasar por Foz e por Ribadeo. A mostra enmárcase no convenio suscrito o pasado verán entre a Axencia de Turismo de Galicia e a Mancomunidade de Municipios da Mariña lucense para promocionar a zona. Ao acto asistiron a concelleira de Cultura, Mónica Pedre, e o alcalde, José Mª González Barcia.