O vindeiro domingo 9 de marzo, a partir das 19:30 horas na Aula de Formación do Concello de Xove, o Grupo de Sendeirismo da ACD.XOVE, presentará as rutas de sendeirismo 2014. Durante o acto entregarase un calendario de rutas a cada un dos asistentes, proxectarase un vídeo de recordo das rutas do 2013 (o grupo de sendeiristas no Parque Natural de Somiedo na fotografía), e outro vídeo con imaxes das rutas que se van a facer no 2014. Así mesmo falarase de cada unha das rutas a celebrar. O programa de rutas para este ano 2014, consta de 8 rutas, moi variadas, como ven sendo habitual, con rutas costeiras, rutas de montaña, de río, de Fragas, rutas por vías verdes, etc. Como o grupo de sendeirismo da ACD Xove está aberto, invitaranse a todas as persoas amantes do sendeirismo a participar nesta actividade deportiva.
