Os 78 patrocinados teñen en común contar con equipos nas competicións de primeiro e segundo nivel en modalidades deportivas nas que, a competición de máximo nivel, se desenvolve na categoría absoluta en sistema de liga regular, á que se accede por clasificación, con ascensos e descensos de categoría, e cun volume de desprazamentos frecuente.
Na zona de Lugo, a Fundación destina un total de 232.423,54 euros para 8 equipos de alta competición. Os beneficiarios son:
| RAZÓN SOCIAL | MODALIDADE | TOTAL |
| C. B. Breogán S.A.D. | Baloncesto | 38.698,43 € |
| Club Porta XI C. B. | Baloncesto | 26.368,52 € |
| Club Peluquería Mixta de Friol | Fútbol | 15.339,57 € |
| Prone Lugo Asociación Deportiva | Fútbol Sala | 44.251,73 € |
| C.D. Burela F.S. (masculino) | Fútbol Sala | 35.378,09 € |
| C.D. Burela F.S. (feminino) | Fútbol Sala | 28.387,91 € |
| Club Voleibol Emeve (masculino) | Voleibol | 22.970,52 € |
| Club Voleibol Emeve (feminino) | Voleibol | 21.028,80 € |
Promocionar o deporte de alta competición en Galicia
O Plan de patrocinio publicitario dos equipos de alta competición de Galicia é un programa da Fundación Deporte Galego que se desenvolve por quinto ano consecutivo e conta cun dobre obxectivo: por unha banda, difundir a actividade e a imaxe fundacional e da Comunidade Autónoma; e, por outra, a promoción do deporte de alta competición en Galicia.
A Fundación Deporte Galego considera que, a indubidable popularidade que acompaña a xogadores e técnicos destes equipos, convérteos en interesantes líderes de opinión sobre todo entre a poboación infantil e xuvenil á hora de emprender campañas institucionais de fomento do deporte e dos hábitos saudables, algo esencial para complementar o Plan Galicia Saudable, programa estratéxico no ámbito deportivo para os próximos anos. Un plan que está permitindo incorporar á base social galega a actividade física de xeito que a súa concorrencia sexa percibida como necesaria e ineludible.