Foz, 2 de abril de 2014. A Oficina de Turismo de Foz abrirá do 14 ao 19 deste mes de abril para atender aos visitantes que se acheguen ao concello durante a Semana Santa.
A concelleira de Turismo, Maite López Rego, anunciou hoxe que a Oficina de Turismo focense estará aberta do 14 ao 19 deste mes “con motivo da Semana Santa, que é tempada alta en canto á afluencia de turistas ao municipio. Agardamos a chegada do moitos visitantes para gozar da variada oferta cultural do noso concello, ademais do patrimonio, as paisaxes e a gastronomía que Foz ofrece”.
A Oficina de Turismo de Foz está no edificio do Cenima, na avenida da Ribeira, e do 14 ao 19 deste mes abrirá de 10 a 14 horas e de 17 a 20 horas.