Dende a Xunta de Persoal da Área da Mariña, denunciamos o desmantelamento e abandono do servizo de mantemento dende que en xullo de 2013, entrégase a unha empresa privada a liña de electromedicina, nunha aposta clara pola privatización, invadindo competencias propias que ata o momento, eran asumidas polo persoal do centro.
En novembro de 2013, coa xubilación dun perito e un calefactor da nosa Área Sanitaria, a Xerencia do Hospital da Costa baixo o mandato da Xerencia de Lugo, decide extinguir ditas prazas, mermando a capacidade de funcionamento do servizo público de mantemento e afondando novamente no seu abandono e desmantelamento con un obxetivo ben claro, imposibilitar o bo funcionamento do servizo para entregalo a mans privadas.
O Hospital da Costa, dende fai xa anos, deixou de ser un comarcal para pasar a ser un Xeral. En todos estes anos de crecemento do Hospital, a prantilla de mantemento non so non creceu, se non que agora vese reducida. Todo isto acontece ao tempo que dende o goberno do PP, anúnciase a promesa dunha ampliación inmediata do Hospital da Costa, ofertando en 2013, un Plan Director por un importe de 170.000€, ao tempo que reducen a prantilla que vai manter esas instalacións…….., non nos saen as contas. Por outra banda, somos conscientes de que este hospital ten 30 anos de vida e que as instalacións padecen o desgaste do tempo e requiren cada vez mais, dunha maior atención por parte do servizo de mantemento. ¿porqué entón este abandono?
Xa no ano 2000, viuse a necesidade de crear unha estrutura xerárquica no servizo, perseguindo a mellora de funcionamento do mesmo, que constaría de un Perito e dúas xefaturas de taller. Catorce anos despois e logo do crecemento deste Hospital, aquela necesidade debera ser considerada como un referente de mínimos, si o que perseguimos, e a continuidade de futuro dun servizo de vital importancia.
Dende a Xunta de Persoal da Mariña SI temos clara a importancia que o servizo de mantemento ten para o bo funcionamento deste Centro e é por iso que demandamos de esta Xerencia que o dote dos recursos necesarios para poder desenvolver un traballo de calidade e manter as instalacións en perfecto estado con:
.- A creación dunha segunda Xefatura de Taller que asuma as liñas que estaban asignadas á praza de perito amortizada.
.- A creación dunha segunda praza de fontaneiro.
.- Un servizo de mantemento integramente público.