Esta campaña está organizada pola Asociación de Comerciantes e Empresarios de Burela e inclúe cada ano tres xornadas gastronómicas nas diferentes pontes festivas dos últimos meses do ano: outubro (bonito), novembro (merluza) e decembro (pulpo). En cada unha delas sorteouse unha cesta de peixe doada por ABSA e valorada en 500 euros entre todos os participantes que selaran a súa tarxeta de participación en catro dos locais que participaban na campaña.
As tres cestas, doadas por Armadores de Burela, están compostas por peixe variado e valoradas en 500 euros cada unha. Os gañadores deste ano foron José Antonio Ramos Fra, Judith Rodriguez Valcarcel e María Concepción Repiso Fuentes. O presidente de ABSA, Abelardo Basanta Fra, e o directivo de ACIA Burela, Marcelino Suárez, fixeron entrega dos premios na lonxa de Burela.