Ribadeo, 1 de abril de 2014. As fotos de José Mario Zamudio Quintana, Lucía Peña Martínez e Tania Fernández Faíde foron as gañadoras do concurso fotográfico organizado nas redes sociais por Acisa Ribadeo para conmemorar o Día do Pai.
Un xurado formado por dous profesionais asociados: Foto Miguel e Servicios Audivisuales El Farero, e tres membros da asociación escolleron as tres mellores fotos entre as 10 máis votadas polo público, é dicir, aquelas que reuniron máis “Me gusta” ó longo dos últimos días no perfil de facebook Ribadeo Móvese.
O primeiro premio dotado con 300 euros en vales de compra foi para a foto Feliz día, papá de José Mario Zamudio Quintana. O segundo premio, que se levará 200 euros en vales de compra, é para a foto Jaque mate de Lucía Peña Martínez. E o terceiro premio, que recibirá 100 euros en vales de compra, é para a foto Columpios de Tania Fernández Faílde. Estes son os tres premios decididos polo xurado. Pero, aínda hai un cuarto premio, dotado con 50 euros en vales de compra, para a foto máis votada en facebook que foi a denominada Paseo de Tania Fernández Faílde.
Os gañadores do concurso fotográfico de Acisa recibirán os seus premios o xoves, 3 de abril, ás 18.00 horas nos locais da asociación.