A Liga Prebenxamín de Fútbol Sala da Mariña, organizada pola Fundación Imdecum, despediuse da súa primeira tempada, cun torneo o sábado pasado en Burela. Os pavillóns Monte Castelo e Vista Alegre acolleron os encontros de Prebenxamín 1 e Prebenxamín 2 na xornada matinal. Na clausura, fixeron entrega de trofeos e medallas para todos os participantes o presidente de Imdecum, Marcelino Luna, e o concelleiro de Economía e Emprego de Burela, José Casas.
A Liga Prebenxamín da Mariña FS de Imdecum arrincou en novembro de 2013, cun total de oito clubs. AD Santiago de Foz, AD Praia de Covas, ED Burela FS, Escolas Celeiro Xove FS, EDM Cervo, ED Lourenzá e Cidade de Viveiro participaron en Prebenxamín 1. Prebenxamín 2 contou coa representación de AD Santiago de Foz, AD Praia de Covas e ED Burela FS, coa incorporación de ACD Xove.
AD Santiago de Foz recolleu os trofeos de campión en Prebenxamín 1 e na segunda volta de Prebenxamín 2 e AD Praia de Covas levou o título na primera votla de Prebenxamín 2.