O salón de actos da Casa do Concello de Lourenzá estivo este domingo ateigado de público que asistiu ao concerto do Grupo de Acordeóns do Conservatorio Profesional de Música de Viveiro, formación dirixida polo laurentino Lino Rico e que conta con músicos de 8 a 80 anos de idade. A actuación foi organizada pola comisión de festas de Santa Cruz 2014 coa colaboración do Concello de Lourenzá.
