Dúas pratas e un bronce para o CD Egovarros-Viveiro no Campionato de España de 10 km en ruta

O pasado sábado celebrouse na localidade de Padrón ( A Coruña), o Campionato de España de 10 km en ruta, coa participación de atletas de clubs de toda España.

O C.D. Egovarros-Viveiro estivo representado por 17 atletas, 12 no apartado masculino e 5 no apartado femenino. A proba consistía en dúaas voltas a un circuíto de 5 km totalmente chan, ata completar a distancia de 10 km.

Os representantes do club da cidade do Landro, volveron demostrar estar entre os mellores de España, acadando 2 medallas de prata e 1 de bronce. As medallas de prata foron acadadas na categoría M70 por José Rioseco e no apartado femenino na categoría de W65 por Francisca Romasanta; mentres que a medalla de bronce acadouna en M70 o atleta Antonio Cabana.

Outros atletas do clubeestiveron ás portas de subir ó podium acadando cuartos postos, como: Manuela Guisasola en W50, Ricardo Álvarez en M45 e Antonio Hernández en M65.