O Goberno actual, do estado, ante a bancarrota das autopistas de peaxe, anunciou a súa intención de rescatalas, aportando a nada despreciable cantidade de 2 400 millóns de euros. Como ven, unha bagatela. Gustaríame coñecer a aqueles que fixeron o estudo de mercado favorable destes macroproiectos. Creen vostedes que esta pais pódese permitir estes dispendios?.
Temos todas as nosas necesidades básicas cubertas. A Sanidade, a Educación, os Servizos Sociais son excelentes? Desgraciadamente non todos opinan o mesmo, sempre hai augafiestas dispostos a amargar as boas noticias. Segundo Cáritas, con ese dineral poderíanse rescatar o que de verdade importa: ¡700 000 familias! Imaxínanse tantas familias contentas por fin
É moito mellor ou máis rendible para algúns axudar ás empresas constructoras antes que ás familias?. De verdade a ninguén do Goberno ocorréuselle axudar aos case seis millóns de parados? Nin aos autónomos que loitan día tras día para subsistir sen ter que pechar? Non se podería investir ese diñeiro en mellorar os nosos servizos esenciais? É sorprendente, cada día os nosos malqueridos políticos sorpréndennos cunha falcatruada maior que o día anterior. É magistral a súa capacidade para superarse diariamente. E mentres, ao pobo soio lle impórta unha cousa: Quen gañará a Liga este ano?. Unha cousa lles pido, pensen un pouco e sexan bos e xenerosos.
Otero Regal.