Burela, 3 de abril de 2014. Esta fin de semana efectuarase o traslado do centro de formación ocupacional de Burela desde as actuais instalacións da rúa Suafonte ás novas do parque Tíjola, segundo ven de comunicar o concelleiro de Emprego, José Casas.
O edil popular explicou que “fíxose así porque os cursos que se impartiron no centro de formación ocupacional nos últimos meses había que realizalos nas instalacións de Suafonte, porque eran as que estaban homologadas para isto. A partires de agora todos os cursos de formación de persoas desempregadas, os obradoiros de empregos e outras actividades similares desenvolveranse xa nos locais do parque Tíjola”.
O vindeiro luns, 7 de abril, abrirá as súas portas no parque Tíjola o centro de formación ocupacional de Burela.