A Concellería de Educación, Cultura e Turismo de Burela, a través do programa de dinamización lingüística FalaRedes dependente da Consellería de Cultura, Educación e Ordenación Universitaria organiza o espectáculo Toc Toc, dirixido a nen@s de 3 a 10 anos. Segundo explican desde a Concellería de Educación “trátase dun musical infantil no que o autor, Pablo Díaz, invita a cantarlle á alegría e á amizade ao tempo que inculca valores como o ecoloxismo ou a paz dun xeito lúdico e co galego como lingua”. O espectáculo será o vindeiro sábado, 5 de abril, ás 17:30 horas no auditorio da Casa da Cultura do Concello de Burela. Toc toc está dirixido a un público familiar e a entrada será libre e de balde, ata completar a capacidade da sala.
