O taller de prevención de riscos laborais en explotacións de horta contou con 20 participantes en Lourenzá

Lourenzá, 25 de abril de 2014. O concello de Lourenzá acolleu un taller de prevención de riscos laborais en explotacións de horta, actividade promovida polo Instituto Galego de Seguridade e Saúde Laboral (ISSGA), da Consellería de Traballo e Benestar, da Xunta de Galicia. Participaron unha vintena de persoas, titulares de explotacións gandeiras e de horta, que abordaron os perigos máis frecuentes aos que se soen afrontar no seu día a día para tratar de poñerlles solución, coa axuda dunha técnica en prevención de riscos laborais.

O taller incluíu unha visita práctica a unha explotación agraria, onde viron a maquinaria máis usada, analizaron os perigos que entraña o seu manexo e os accidentes que tiveron os alumnos para tratar de evitar este tipo de situacións.