A categoría que terá a maior contía nos premios de gando, será a de numero de cabezas de gando cabalar de monte, cun mínimo de 50 cabezas, cun premio de 350 euros. Tamén haberá un premio para o numero de cabezas de gando, mínimo 25 cabezas, que levara 200 euros. A Organización tamén premiara ao mellor cabalo de pura raza galega, ao mellor cabalo de tiro percherón e ao mellor cabalo de sela con 100 euros cada un.
Entre outras categorías esta edición tamén contara cun premio especial para o cabalo mellor engalanado ao xeito tradicional galego con 50 euros.
O 1 de maio, ás 11 horas, tamén se poderá asistir a unha demostración de ferrado de cabalos a cargo de Noel Cortón, no Campo da Feira. Ademais este ano como novidade haberá Exhibición e Concurso Hípico de Salto, será o sábado 3 de maio ás 16.30 h no recinto da Granxa, a cargo de Hípica Equs Cavalletti de Lugo.