Este domingo 27 de abril un grupo de máis de cincuenta persoas procedentes de Viveiro visitou a Torre Fortaleza de Pardo de Cela en Alfoz. A viaxe estaba organizada polo Seminario de Estudos “Terras de Viveiro”, que preside Carlos Nuevo. No castelo escoitaron unhas breves explicacións sobre a historia de Pardo de Cela e da súa fortaleza, viron un documental gravado hai catro anos polos veciños do concello e percorreron as dependencias da Torre Fortaleza, antes de continuar viaxe ata a cidade episcopal de Mondoñedo.
