O gardameta infantil Noé Cabana recibiu unha visita moi especial na súa convalecencia. Despois de ser intervido do menisco por unha lesión durante unha concentración coa Selección Galega no Campionato de España, o porteiro de Primeira LNFS Edu quixo pasarse para ver como se atopaba o mozo deportista e interesarse pola súa evolución; xunto a Noé tamén estiveron os compañeiros de equipo para amosarlle o seu apoio. A familia laranxa deséxalle unha rápida recuperación.
