A Sociedade Deportiva Xove Fútbol Sala organizará, logo do éxito das pasadas edicións, o seu terceiro Campus de Fútbol Sala do 7 ó 12 de xullo, ambas datas incluídas.
O evento está dirixido a nenos e nenas nacidos entre os anos 2008 e 1998 (ambos os dous incluídos) que queiran gozar durante 5 días do fútbol sala e de múltiples actividades lúdicas complementarias, que estarán supervisadas e dirixidas por profesionais titulados no ámbito deportivo e da educación.
Os interesados en inscribirse ou obter máis información xa poden facelo chamando ó 609 86 09 62, mandando un correo electrónico a sdxovefs@gmail.com ou seguindo as instrucións que se indican na web www.xovefs.es.