“A negativa da Dirección da empresa a sentarse a negociar un novo pacto de empresa xa que o existente está caducado, os impedimentos que pon a empresa para suministrar os Equipos de Protección Individual (EPIS) os traballadores e as deficiencias nos vestiarios, duchas e comedores son os motivos que levaron ós traballadores deste Grupo de empresas a iniciar mobilizacións o pasado día 30 de abril cunha marcha na estrada de acceso a Alcoa, que hoxe mesmo se repetiu, coa convocatoria dun paro dunha hora entre as oito e as nove da mañá, có correspondente custe de esa hora de parada para os traballadores”.
“A día de hoxe a Dirección da empresa non se dirixiu ós representantes dos traballadores para abordar estas reclamacións, e incluso a Dirección da empresa non respectando o dereito a manifestación e folga recollido na Constitución lle negou a entrada ós seus postos de traballo a un grupo de traballadores sen dar ningunha explicación razoable para isto. Esta actitude por parte da Dirección da empresa mostra ben ás claras o talante ditatorial, chulesco e prepotente que aplica cos traballadores e os seus representantes, e non fai máis que empeorar a situación que leva camiño, por culpa da actitude da Dirección da empresa, de empeorar debido á falla de diálogo que a Dirección da empresa está a amosar”.
“Os traballadores van a darlle un prazo razoable á Dirección da empresa para que abra unha mesa de negociación onde se aborden as reclamacións dos traballadores. En caso de que a Dirección da empresa non teña a ben sentarse a negociar estas reclamacións, as medidas de presión por parte dos traballadores irán incrementándose tanto pola mobilización na rúa, como en reclamacións xudiciais derivadas das prácticas da Dirección da empresa”.
“Ós Delgados de Persoal parécenos impresentable que se lle tente retirar o dereito ó traballo ós traballadores que lexitimamente están a reclamar unhas condicións de traballo dignas”.