A primeira parte do encontro constou dunha breve introducción da historia do deporte, evolución ó longo dos anos, práctica deportiva na provincia de Lugo e labor formativa desenvolvida polo Judo Club Lugo na nosa provincia, abordándose tamén aspectos relativos as diferentes etapas formativas polas que transcurrirá o aprendizaxe do neno dende a nenez ata a adolescencia.
Despois desta contextualización pasouse á acción e no tatami todos os participantes puideron experimentar de primeira man a evolución metodolóxica do aprendizaxe das diferentes técnicas así coma unhas nocións básicas de defensa persoal.
O vindeiro mércores 4 de xuño as 17.00 horas no IES Monte Castelo terá lugar a derradeira ponencia das xornadas a cargo de Moncho Fernández (adestrador Obradoiro CAB) que levará por título “Metodoloxía de traballo no Obradoiro CAB”.