Segundo explica o concelleiro de Tráfico, Manuel Fernández Valle, “debido á confección da alfombra floral, que terá lugar o vindeiro sábado, 31 de maio, desde as oito da mañá, queremos pedirlles aos cidadáns de Burela e a todos os que se acheguen á nosa vila que non aparquen os seus coches na madrugada do 30 ao 31 de maio na rúa Eijo Garay”. Ese vieiro, desde a igrexa ata o porto, será escenario da elaboración da tradicional alfombra floral pola que discorrerá ás 21:30 horas a procesión.
Desde o equipo de goberno piden desculpas polas molestias que se poidan ocasionar e demandan a colaboración da cidadanía.