O grupo de 30 operadores turísticos do Leste de Europa (23 rusos, 6 de Kazajistán, un de Uzbequistán e outro de Bielorrusia) que están visitando a provincia de Lugo estes días por iniciativa de Turismo de Galicia comeron este martes no restaurante San Miguel, de Ribadeo. O cociñeiro do restaurante San Miguel, José Ramón Rodríguez, preparoulles un menú composto por pastel de cabracho, pescada estilo Las Catedrales e crema xeada de oruxo galego. Os viños elixidos foron un ribeiro Antonio Montero e un valdeorras Joaquín Rebolledo. Ademais puideron disfrutar das espectaculares vistas da ría e do porto deportivo ribadense que hai dende o comedor principal do establecemento.
