Preto de medio cento de persoas asistiron ó obradoiro de cociña impartido por Suso Liste en Ribadeo

Ribadeo, 16 de maio de 2014. A praza de Abastos de Ribadeo foi escenario este venres á tarde do obradoiro de cociña Á beira do mar. Trátase dunha das actividades enmarcadas no programa do Ribadeo de tapeo. O encargado de impartilo foi Suso Liste, cociñeiro e mestre da Escola de Hostalería de Foz. O peixe foi o protagonista da xornada, que foi seguida por preto de medio cento de persoas.

O obxectivo do curso era a divulgación gastronómica dos produtos das lonxas locais. Manipulado, cociñado e aporte nutricional dos peixes. Os asistentes viron “como se limpa o peixe, como racionar un peixe para saber o rendemento, como cociñar o peixe, tanto en formato rápido como mais pousado, aproveitando o mesmo para sopas e fumets”. O obradoiro resultou moi interesante, segundo ACISA.

O obradoiro de cociña Á beira do mar foi organizado por ACISA, A Mariña Federación e o Grupo de Acción Costeira 1 A Mariña-Ortegal.