Os propietarios do hotel O Cabazo de Ribadeo, Juan López e Carmen García, asistiron este luns en Santiago ó acto de recoñecemento, ofrecido polo presidente da Xunta, Alberto Núñez Feijóo, ós establecementos que recibiron a Q de Calidade Turística durante o ano 2013. O titular do executivo gallego dixo que estes galardóns se conseguen “grazas á cultura do detalle e ao afán de superación constante nos produtos e nos servizos ofertados”. Juan López e Carmen García estiveron a principios de ano en Fitur recollendo a Q de Calidade Turística e agora viaxaron a Compostela para asistir a este acto ofrecido polo presidente da Xunta.
