O Alcorcón é o primeiro finaltista da XX Copa de España Burela 2014 tras vencer na tanda de penaltis ó Universidade de Alicante. O encontro foise animando co paso dos minutos xa que as xogadoras acusaron os nervios iniciais propios da competición. Intensidade, entrega e varios intercambios de golpes pero as porteiras de ambas escadras demostraron o seu alto nivel. Sen goles chegouse ó descanso e na continuación, máis do mesmo, sen un dominador do choque chegouse aos instantes finais. O gol deixábase querer por alacantinas e alfareiras pero non se chegaba ó paso definitivo. E sen movementos no marcador finalizou a semifinal. Na prórroga, o choque abriuse definitivamente, a meta alacantina Miriam detivo un penalti a Vadillos, minuto 42, e a gran ocasión das valencianas estivo nos pés de Amelia pero o pau impediu que lograse o seu obxectivo. Na segunda parte da prórroga estreouse o marcador, o Universidade de Alicante golpeou primeiro por mediación de Andrea pero as alfareiras non se renderon. Andrea empatou o partido e levou o pase á final cara ó punto de penalti.
Ficha técnica
AD Alcorcón: Miriam, Vadillos, Orive, Isa, Lara -cinco inicial- Andrea, Soldevilla, Leire, Desi.
Universidade Alicante: Toñi, Andrea, Txitxo, Pao, Amelia -cinco inicial- Castelló, Mónica, Noe.
Goles: 0-1, m.47, Andrea; 1-1, m.49, Andrea.
Penaltis
AD Alcorcón: Soldevilla, gol. Lara, gol. Orive, gol. Vadillos, gol. Isa García, gol.
Universidade de Alicante: Txito, gol. Amelia, fallo. Andrea, gol, Mónica, gol.
Árbitros: González Armada, Menéndez Nistal. Colexio de Pontevedra e Viveiro. Tarxeta amarela a Pao do Alicante e a Lara, Castelló de Alcorcón.
Incidencias: Primeira semifinal da XX Copa de España Burela 2014 disputada no pavillón Vista Alegre. 600 espectadores.