Máis de douscentos sendeiristas celebraron o X Aniversario da Asociación Pasada das Cabras

Burela, 29 de xuño de 2014.- Mais de douscentos sendeiristas acudiron ao convite da asociacion Pasada das Cabras de Burela, para celebrar un Día do Socio moi especial, pois coincide co 10º aniversario da asociación. Os colectivos mais representados foron Peña Furada de Navia, Os Sendeiros de Foz, Terras de Lourenzá e Sociedade Micolóxica Lucus de Lugo, aos que agradeceron a súa presenza, acompañándoos coa súa amizade neste día tan sinalado, no que non foron tanto por andar, se non por convivir entre amigos.

Nesta ocasión realizouse unha nova ruta que, partindo da serra do Buio e utilizando as pistas dos eólicos, remataba no monte Castelo, cunha comida especial a base de empanada e dunha paella xigante, para os mais de 200 participantes, que foron cociñando no Castelo ao longo da mañá, á altura do mellor Máster Xefe de cociña.

A xornada inicial, durante a ruta, estivo horrible, con continuos trebóns acompañados de fortes ventos e néboas, pero pola tarde luciu bastante o sol, o que permitiu facer o baile despois da comida e a esperada queimada. A música correu a cargo do incombustible artista de Ferreira Juan.

En definitiva un día moi especial para todos, con sendeirismo, compañeirismo, convivencia e gastronomía… especialmente para os de Pasada que celebraron este 10º aniversario ao grande.