Foz, 27 de xuño de 2014.- Os socialistas de Foz solicitámoslle á Xunta de Galicia mediante unha moción presentada no pleno de onte e aprobada por unanimidade, que continúe mantendo abertos os comedores escolares necesarios para poder seguir dándolle cobertura aos nenos e nenas das familias que neste momento se atopan sen recursos e quedarían en desamparo agora que rematou o curso escolar.
Deste xeito, estes nenos poderían aló menos dispoñer dunha comida equilibrada ao día; cando todos ben sabemos que as cifras da pobreza infantil son aberrantes e superan o 22%, e máis de 466.000 galegos atópanse vivindo por debaixo do úmbral da pobreza.
Sabemos que esta medida xa se aprobou cun acordo parlamentario, polo tanto confiamos en que a Xunta de Galicia cumpra este acordo coa máxima celeridade que merece.
En base a proposta de alcaldía de fixar a taxa para iniciar o procedemento de investigación donde se demanda por parte dun particular a usurpación dun camiño público en Cangas, o partido socialista propuxo aplicar a taxa mínima de 60 euros, xa que vemos inxusto de que unha persoa que esteña defendendo algo público teña que facer maior desembolso.