Cervo, 20 de xuño de 2014- A edil de Facenda, Yolanda Pedreira, asegurou este venres que “o servizo do Grupo de Emerxencias Supramunicipal é posible principalmente grazas aos esforzos de Xunta e Concello, que xuntos asumen o 80% dos gastos” mentres a Deputación “só se ocupa do 20%”. Da mesma maneira, Pedreira lémbralles aos socialistas que a Xunta ingresoulle ao Concello 33.000 euros polo GES, mentres a Deputación compensou 22.000 euros, polo que non os abonou directamente. Sen esquecer que o Goberno Provincial ten aínda importes pendentes co Concello polo GES do ano 2013.
Ademais, a edil lémbralles aos socialistas que “Cervo ten un grupo de emerxencias grazas ás xestións do Concello, e non ao PSOE, que sempre que pode desvía os servizos cara outros municipios”. Pedreira refírese aos tempos nos que estaba previsto construír o parque de bombeiros en Cervo, pero “grazas á man da vicepresidenta segunda da Deputación, Lara Méndez, rematou en Viveiro”.
Aínda así, a responsable de Facenda quere tranquilizar aos socialistas: “Non se preocupen polo GES de Cervo. O servizo está funcionando perfectamente”. “Deberían preocuparse máis por limpar as estradas provinciais que hai no concello, ou por non multar aos veciños de Cervo con 20.000 euros como xa fixeron”.