O Departamento de Educación Familiar, que depende da Concellería de Servizos Sociais de Xove, acaba de por en marcha o programa “ENCONTROS PARA A SAÚDE: TALLER DE MEMORIA”. O obradoiro diríxese a persoas do concello de Xove, maiores de 60 anos, que queiran mellorar as súas capacidades memorísticas. Esta actividade vaise desenvolver durante todo o mes de xullo ao longo de 8 sesións dunha hora e media de duración. A inscrición nesta actividade é totalmente gratuita e pode realizarse no Departamento de Educación Familiar, preguntando pola educadora Angélica Casabella en horario normal de oficina, ou ben, chamando ao teléfono do Concello 982592001. O prazo para apuntarse remata o vindeiro 25 de xuño.