Numeroso público asistiu na tarde deste xoves 31 de xullo á primeira sesión das Xornadas de Prevención da violencia de xénero onde trataron en profundidade o tema da Educación en Igualdade dende a Infancia coas intervencións de Mary Fraga, presidenta de Mujeres en Igualdad Burela, e Diana Durán García, membro da xunta directiva desta asociación. A parte máis emotiva do acto foi o recoñecemento á socia máis nova do colectivo polo seu traballo, esforzo e constancia que lle permitiron conseguir unhas impresionantes notas en selectividade: Amara Chao Durán.
